المشاركات
.jpg)
|| للعيد طعم مختلف ||
12:37 ص
السلام عليكم ورحمة الله و بركاته ،,
صباحكم فرحة العيد ،’
شخباركم ؟
شو علومكم ؟
اليوم ثاني أيام العيد ،’
مر اليوم الأول بفرحة و وناسة و كان عجيب بصراحة
طبعاً ليلة العيد الكل قاعد يجهز و مرتبشيين و لوية في كل بيت و حلاتها صراحة من لوية
شغلت أغاني العيد للأطفال و مع إخواني قعدنا نغني صراحة و ناسة ،’
،,
اللي لازم يصير إن الناس ترقد من وقت يوم العيد عسب صلاة العيد ،
فبيتنا الوضع مختلف ، و تقريباً في معظم البيوت بسبب الإجازة ،،
قعدنا لي الساعة 1 و نص تقريباً ، و كل واحد رقد في وقت ،،
رقدت ساعة و نص و بعدها قمت و بخاطري أقول الكل راقد إلا أنا ، حاولت أرقد و حاولت و لكن
بائت محاولاتي بالفشل ، ,
طلعت من الحجرة و طبعاً قمت أحوس بالبيت و فجأة أشوف إخواني قايمين ،’
و بعد شوي خواتي
قلت بخاطري هي خاربة خاربة ، خلنا نقعد لصلاة الفجر
قعدت ، و بعدها صليت ، و تجهزنا و تكشخنا و رحنا المصلى لأداء صلاة العيد
،,
بعد رجعتنا عايدنا على الأهل ،’ و كلينا مجبوس دياي ( شيء أساسي فبيتنا كل عيد )
و ركبنا السيارة و سرنا للبيت العود و شفنا عمومتي و عيالهم و العايلة الكريمة كلها ،,
رجعنا البيت و طبعاً قامت الناس تعايد علينا ،’
بعد صلاة الظهر الكل كان راااااقد
قمنا على العصر صلينا و قعدنا شوي لصلاة المغرب
و بعد الصلاة ،, انطلقنا لبيوت خالاتي و اجتمعنا كلنا و كانت يمعة حلوة صراحة
=)
و عسى أيامكم كلها أفراح في أفراح ،,
يالله كل شخص يذكر لنا شو صار له في أول يوم عيد
و كيف قضاه ،,
تحياتي لكم ،,
روعة الحياة ..,
^^
