أقوال أميرية أفخر بها } ... الجزء الأول ~



السلام عليكم و رحمة الله و بركاته

صباح جمعة مليء بالقرب من الله عز و جل .. ~

رسالتي اليوم مجهة لكل كويتي و كويتية

و لكل من يعيش على أرض كويت الحب




يمكن يقول البعض : هذه شكو تكتب عن ديرتنا و اهي مو كويتية

أرد و أقول : مب شرط أكون حاملة الجواز الكويتي علشان أحب الكويت ، أنا الكويت و الله و الله أفديها بروحي لو تبي


الشيخ الراحل الأب الحنون ( جابر الأحمد الجابر الصباح رحمة الله عليه )

قال كلمات و حكم اعتبرها تاج و اعتز فيها ، بسردها عليكم اليوم مع التعليق ، و ياريت تفهمومها عاد


                                                     ،

المقولة الأولى ~

لقد كانت الكويت حصن الذين بقوا داخلها، لا يبالون بالأخطار المحدقة بهم، ولاء لهذه الأرض، وعشقا لترابها، وإيمانا بعدالة قضيتها، وكانت الكويت أمل الذين كانوا خارجها؛ فواصلوا سعيهم لجمع القوى حول حقها، ولولا هذان الجناحان لكان الحال غير الحال


آآآآآآآه

يعني يا ناس الولاء الولاء ثم الولاء

و الولاء ما يكون بالإحتفال باليوم الوطني و يوم التحرير و بس ، الولاء ما يكون

بالأقوال : نحب الكويت ، فديت الكويت

الولاء أحبائي بالعمل بالعمل المخلص لهذه الأرض الطيبة ن اخلصوا النية لله إنكم

 فعلاً تعملون من أجل رفعة و عز الكويت

الولاء من الصغير و الكبير ، المتعلم و الجاهل ، اللي يدرس يجتهد و اللي يشتغل يبذل

و يعطي كل ما لديه

الطلاب و الطالبات و حتى العاملين في خارج الكويت اجتهدوا رفعوا راس الكويت في

العالي و لا ترضون عليها بأي كلمة من أي شخص كان

هذا الكويت الغالية ، و الله غالية



                           \





                                           المقولة الثانية ~ 

إن الشعور بالذات والامتلاء بعز الانتماء وفخر الانتساب مصدره الأكبر والأوحد،

هو الوطن، هو الكويت




أهم شيء هذا ، أهم شيء إنك تفتخر بوطنك
 
بهالخصوص صارت لي عدة مواقف ، و وايد ناس قالو لي إيمان إنتي تحبين الكويت أكثر من الإمارات
 
و دائماً أرد عليهم بهالكلام
 
حبي للإمارات اهو اللي خلا حبي للكويت يزيد
 
إيمان عندها طفلين : طفل اسمه إمارات و هذا الطفل في حضنها دائماً فما تذكره وايد لأنه دوم موجود وياها
 
و هي قاعدة تقدم له اللي تقدر عليه
 
و طفل ثاني اسمه الكويت بعيد عنها و اهي تحبه وااايد و دوم تطريه
 
نرجع للموضوع ، الإنتماء و الحب للوطن هو الدافع للعمل لأجله ، يعني يا المواطن الكويتي اللي مب عايبنك شيء في الكويت و
 
 انت عايش من خيرها و تحمل جنسيتها ، عيب عليك
 
 
 
 
 
لي عودة مع الجزء الثاني من ( أقوال أميرية أفخر بها )
 
 
 
 
 

2 Responses
  1. منو ما يحب بابا جابر الله يرحمه

    :(


  2. اي و الله
    عسى ربي يرحمه و يغمد روحه الجنة يارب

    شاي الضحى
    نورت مدونتي بطلتج = )

    لا تقطعين خلج دوم متابعة